CBCS ta anunsiá emishon di un bono na nòmber di Gobièrnu di Pais Sint Maarten 

 

CBCS ta anunsiá emishon di un bono na nòmber di Gobièrnu di Pais Sint Maarten 

WILLEMSTAD/PHILIPSBURG – Djaweps dia 4 di desèmber 2025, Centrale Bank van Curaçao en Sint  Maarten (CBCS) lo emití un bono na nòmber di Pais Sint Maarten. E bono akí lo tin e siguiente  karakterístikanan: 

Bono di XCG 30.300.000,– ku un plaso di 30 aña. E tasa di interes lo ta basá riba e kurva di  rendimentu hulandes dia 2 di desèmber 2025. Dia 6 di òktober, fiansa ku plaso di 30 aña tabatin un  rendimentu di 3.441%. Lo amortisá e bono anualmente, kuminsando dia 4 di desèmber 2026.  

Djamars dia 2 di desèmber 2025, Agentschap van de Generale Thesaurie (DSTA) lo tin posibilidat di  suskribí. Despues, te ku djárason dia 3 di desèmber, 12.00 P.M. (di mèrdia), públiko en general lo por  suskribí pa e bono akí na tur banko komersial na Kòrsou i Sint Maarten. E suskripshon lo tuma lugá  segun e asina yamá sistema di tender (destaho). Esei ta enserá ku esnan interesá mester indiká pa ki  suma i na ki preis nan ta deseá di partisipá na e emishon, indikando asina ki rendimentu nan ta interesá  di risibí. 

Despues ku e suskripshon sera, CBCS lo duna di konosé e preis ku lo konta pa e emishon. E partidonan  ku a suskribí pa un preis mas haltu ku e preis di emishon lo risibí asignashon kompleto. E partidonan  ku a suskribí pa un preis igual na e preis di emishon lo risibí asignashon di sobrá di e montante emití. 

Formulario di suskripshon ta disponibel riba nos wèpsait:  

https://www.centralbank.cw/functions/market-operations-payments/government-loans-sint maarten. 

Willemstad, 26 di novèmber 2025 

CENTRALE BANK VAN CURAÇAO EN SINT MAARTEN