A detené 3 persona pa violashon di Lei di Arma di Kandela BES i violashon di Lei di Opio BES.

 

 

27 di novèmber, alrededor di 1.45or di mardugá a detené 3 persona pa violashon di Lei di Arma di Kandela BES i violashon di Lei di Opio BES.

Durante un kòntròl di tráfiko, polis a para un vehíkulo pa kòntròl. Riba sospecho di violashon di Lei di Opio BES, polis a bai ofer pa kòntròl di e vehíkulo.

Durante e kòntròl polis a topa ku un kantidat di supstansia probablemente narkótiko i munishon. Mesora polis a detené e tres okupantenan di e vehíkulo i a konfiská e vehíkulo pa investigashon mas aleu.

Ta trata di tres hòmber: di inisial J.C.J.W. di 24 aña, K.Y.S. di 24 aña i M.S.O.A. di 20 aña.

Durante e kòntròl mas aleu di e vehíkulo, polis a bin topa ku un arma di kandela. A konfiská esaki tambe.

Investigashon den e kaso ta kontinuá.