NOS SELEKSHON TA KLA PA TOPA PANAMA DJADUMINGU 30 DI NOVÈMBER 2025, 8’OR DI ANOCHI DEN STADION RIGNAAL ‘JEAN’ FRANCISCA!
NOS SELEKSHON TA KLA PA TOPA PANAMA DJADUMINGU 30 DI NOVÈMBER 2025, 8’OR DI ANOCHI DEN STADION RIGNAAL ‘JEAN’ FRANCISCA!
Djadumingu 30 di novèmber 2025, nos selekshon nashonal lo tin su promé partido di e 2025-2026 CONCACAF W-Qualifiers kontra Panama. E partido aki lo tuma lugá 8’or di anochi den Stadion Rignaal ‘Jean’ Francisca.
Djasabra nos selekshon lo tin su último seshon di training pa nos hungadónan ta mentalmente i físikamente bon prepará pa saka nos kara djadumingu. Nos último hungadónan tambe a yega i nos selekshon ta kompletu pa duna un bon presentashon durante nos partido di djadumingu.
E half time show ta na enkargo di Adjtay ku lo tei pa deleitá e públiko presente ku su mihó hitnan. Lo tin bon futbòl, tremendo ambiente i bar ku kushina bon surtí pa un i tur por disfrutá.
Portanan di stadion ta habri for di mitar di 7 di anochi, pues yega trempan pa evitá stagnashon na porta. Karchinan pa e partido di Kòrsou kontra Panama ta kosta fl.10,- pa tur hende di 6 aña bai ariba i ta disponibel na e lokètnan di stadion un ora i mei promé ku e partido inisiá i tambe ‘online’ via e plataforma ofisial di FFK: https://shop.ffk.cw/event-details/2025-26-concacaf-w-qualifiers-curacao-vs-panama.
Tur kos ta praktikamente kla pa nos selekshon nashonal su promé partido di 2025-2026 CONCACAF W-Qualifiers kontra Panama. Abo so falta pa bin animá i apoyá nos hungadónan durante e partido aki…nos ta topa djadumingu den stadion!
FFK ta deseá nos selekshon tur klase di éksito!
28 novèmber 2025