KUERPO POLISIAL KÒRSOU 

 

KOMUNIKADO DI PRENSA

461/2025

30 novèmber 2025 

Kaso di maltrato ku detenshon  

Djadumingu 30 di novèmber 2025 alrededor di 05.47’or, Sentral di Polis a dirigí  un unidat polisial pa un klup nokturno den área di Saliña pa un kaso di  maltrato. 

Na yegada e unidat a topa ku un dama drumi abou ku sla na kabes. 

For di un investigashon preliminar a sali na kla ku e dama tabatin un diskushon  ku su pareha ku a terminá den un maltrato. 

Ku ambulans a transportá e víktima pa Sala di Emergensia di C.M.C. pa  tratamentu médiko. 

Na e sito a detenté e hòmber S.H.d.N.S. di 24 aña di edat nasé na Kòrsou, pa  e kaso ariba menshoná. 

A presentá e sospechoso dilanti di un fiskal ouksiliar ku a ordená su  enkarselamentu pendiente di mas investigashon.