2 di DESÈMBER 2025 Charla: “KIKO TA TRASTORNONAN DI PERSONALIDAT I KON NAN TA DESAROYÁ” na Sentro di bario Souax

 

 

2 di DESÈMBER 2025 Charla: “KIKO TA TRASTORNONAN DI PERSONALIDAT I KON NAN TA DESAROYÁ” na Sentro di bario Souax

Fundashon Pro Souax ta anunsiá ku djamars 2 di desèmber próksimo lo tin
e siguiente charla di e siklo di charla riba “Temanan Sikológiko”. Meta di e charlanan aki ta pa duna informashon i di e forma aki, hasi habitantenan di Souax i bisindario i tambe otro interesadonan mas konsiente di importansia di kuido di nan salú mental pa logra bienestar emoshonal, sikológiko i sosial balansá.
E charla ta na enkargo di e konosido sikólogo drs. Vivian Lucia i lo ta grátis.
Durante e charla di 2 di desèmber próksimo e sikólogo lo trata e tópiko:

“KIKO TA TRASTORNONAN DI PERSONALIDAT I
KON NAN TA DESAROYÁ”

Sikólogo sra. Vivian Lucia lo amplia riba kiko ta trastorno di personalidat i kua ta e diferente tiponan di trastorno di personalidat. Tambe e lo splika karakterístikanan, kousanan i sintomanan di e malesa i tratamento di e pashènt ku tin trastorno di personalidat . Lo tin amplio oportunidat pa hasi pregunta i un i tur ta keda kòrdialmente invitá pa bin skucha informashonnan importante riba e tópiko aki

                                                        Charla riba TEMA SIKOLOGIKO

Tópiko   : “KIKO TA TRASTORNONAN DI PERSONALIDAT I
                KON NAN TA DESAROYÁ”

Oradó   : SIKOLÓGO Sra. Vivian Lucia

Dia        : Djamars 2 di DESEMBER 2025

Ora        : Shet’or pa mitar di nuebe di anochi  (19.00 – 20.30)  

Lugá   : Sentro di bario Souax                            

Entrada  : GRATIS