Gran Feria & Food 4 you den bario di Weto

Gran Feria & Food 4 you den bario di Weto

 

Den Kura Community Event, ku ta parti di Life Changers Foundation, ta organisá un Feria i tambe Food 4 You e Diadumingu 7 di desember, di 9:30 a.m. te 5:00 p.m. E evento aki lo tuma luga na Weto 95, kaminda den pasado tabata Lynette.
Un sentro i evento ku ta uni e bario di Weto aún mas.

Prepará bosonan pa un dia alegre i signifikante na nos evento “Den Kura – Feria & Food 4 You”: un selebrashon vibrante yená ku dibertishon, sabornan riku i produktonan fantástiko.

E dia ei lo tin merkansia úniko pa kumpra, kuminda dushi, kos dushi, aktividatnan pa tur edat i un ambiente kaluroso di komunidat. Nos lo kuminsá e dia ku un sirbishi kortiku ku Santu Sena pa tur hende ku ke partisipá.

 

Esaki no ta solamente un feria: e ta tambe un evento pa rekoudá fondo ku kurason. Kada kompra na nos stènt di Life Changers Food 4 You ta sostené direktamente famianan ku ta biba den kondishonnan insigur, pober òf inhabitabel.

 

E entradanan for di nos stènt di Life Changers Food 4 You lo bai pa reparashon di kas, renobashon, i nesesidatnan esensial pa individuonan i famianan ku desesperadamente tin mester di un kondishon di bida mas sigur. Sostené e famianan aki; huntu nos por trese konsuelo, dignidat i speransa pa esnan ku tin mas mester di dje.

 

Bin disfrutá di e dia, trese amigunan i famia, i hasi un diferensia miéntras bo ta pasa un ratu dushi!

 

Pa mas informashon, bo por bishitá nos wèpsait: lifechangers-ministries.org, of sigui nos riba Facebook: Life Changers. Bo por tambe mail òf app nos na lifechangerscuracao@gmail.com òf WhatsApp: 670-9626.

 

Un bario uní ta wesu lomba di un komunidat. Bin pa nos mara huntu i trese e diferensia.