‘HOSPITALITY SOLUTIONS’ DI DIGICEL BUSINESS TA REVOLUSHONÁ EKSPERENSIA DI HUÉSPET

‘HOSPITALITY SOLUTIONS’ DI DIGICEL BUSINESS

TA REVOLUSHONÁ EKSPERENSIA DI HUÉSPET

 

WILLEMSTAD – Resientemente Digicel tabata anfitrion di un eksitoso evento ku a tuma lugá na Sandals Royal Curaçao, na unda a trese huntu lidernan di e sektornan di hospitalidat, teknologia, i cyber-security pa eksplorá e último tendensianan den transformashon digital. E programa a kuminsá ku palabranan di apertura di CEO di Digicel Julius Girigori, kende a pone e tono pa un serie di presentashon. Marco Piazzi, Gerente di Desaroyo di Negoshi di Hospitalidat Regional, a duna un bista di solushonnan avansá di hospitalidat diseñá pa mehorá efisiensia operashonal i e eksperensia di e huéspet. Ku un enfoke fuerte riba inovashon i kalidat, Digicel Business ta permití industria di hospitalidat pa prosperá den un era digital.

Digicel Business su Solushonnan di Hospitalidat lider den industria ta diseñá pa transformá e eksperensia di huéspet na hotèlnan, resortnan i otro negoshinan di hospitalidat rònt mundu. Na un momentu ku huéspetnan ta spera konektividat sin problema, eksperensianan personalisá, i servisio efisiente, Digicel Business ta liderando e merkado ku solushonnan ku ta atendé e nesesidatnan di kada huéspet. E pakete di Solushonnan di Hospitalidat ta inkluí un rango di servisio i teknologia ku lo redefiní kon huéspetnan ta interaktuá ku bo organisashon. Karakterístikanan klave ta inkluí un konekshon konfiabel i sigur, operashonnan efisiente, solushonnan di seguridat, sosten 24/7 i muchu mas. 

Stuart Hylton, Direktor di Garantia i Kumplimentu na Symptai Consulting Limited, a sigui ku un presentashon detayá riba tópikonan klave manera violashon di dato, e wèp skur, privasidat di dato, i kumplimentu ku regulashon. E evento a konkluí ku un pènel di 30 minüt dirigí pa CEO di CHATA Mimi Luttge i CEO di Cinex Miles Mercera. E panelistanan a papia tokante e intersekshon di inovashon digital, resiliensia sibernétiko, i kresementu den e sektor di hospitalidat. Nan punto di bista a proveé ​​ tur ku a asistí e evento ku hèrmèntnan balioso. Luigi Scuotto, Hefe di Benta pa Digicel Business ABC, a bisa: “E industria di hospitalidat ta pasando den un transformashon grandi, ku teknologianan digital hungando un ròl sentral. Na Digicel Business, nos ta komprometé na sostené nos partnernan di hospitalidat. Nos pakete amplio diseñá spesialmente p’e industria di hospitalidat ta mehorá i garantisá efisiensia operashonal, oumentá satisfakshon di huéspet, i impulsá kresementu di entrada.”

Komo un provedor lider di solushonnan di komunikashon i teknologia den Karibe i Sentro Amérika, Digicel Business ta sigui invertí den solushonnan inovativo ku ta empoderá negoshinan den diferente sektor. Pa sa mas tokante Digicel Business Hospitality Solutions i kon nan por hiba bo organisashon na e siguiente nivel, bishitá nos wèpsait na http://www.digicelbusiness.com òf tuma kontakto ku nos tim di benta.