Promé Minister Pisas ta aklará ku Kòrsou no tabata enbolbí den ningun operashon sensitivo

Willemstad – E susesonan rondó di e lider di oposishon venezolano, señora María Machado, a atraé basta atenshon e siman aki, tantu lokal komo internashonal, debí na publikashonnan den medionan di komunikashon. Tambe, hopi ta esnan ku tabata tin pregunta tokante e posibel envolvimentu di Gobièrnu di Kòrsou den e salida di Sra. Machado for di Venezuela. Ta importante pa nos, komo Gobièrnu, ta kla tokante e posishon di Kòrsou.

Denter di e kuadro di polítika eksterior ku Gobièrnu di Reino a pone i den kumplimentu ku lei internashonal, Kòrsou ta mantené un posishon di neutralidat estrikto den e  tenshonnan polítiko regional aktual. Nos no ta mete den asuntunan doméstiko ni di relashonnan eksterior di otro paisnan, i nos no ta partisipá den akshonnan ku por perhudiká nos neutralidat.

Kòrsou ta forma parti di Reino Hulandes i Reino ta enkargá ku Defensa i Relashonnan Eksterior. Den e konteksto diplomátiko i di seguridat internashonal, sierto informashon, por ehèmpel tokante operashonnan sensitivo riba tereno humanitario, di seguridat, òf militar, por pasa dor di kanalnan diplomátiko i militar regular ku Gobièrnu di Kòrsou no ta parti di dje. Esaki ta nifiká ku nos no ta wòrdu informá di antemano di kada operashon, pero esaki ta kuadra ku e divishon di outoridat den e konstelashon di Reino.

Ta importante pa tuma nota ku Gobièrnu di Kòrsou no tabata enbolbí den e planifikashon òf ehekushon di e biahe di Sra. María Machado ku tabata un operashon sensitivo. Awor ku detayenan tokante su salida for di Venezuela i su yegada na Noruega, supuestamente parsialmente via un fasilidat estranhero na Kòrsou, a bira konosí mesora Gobièrnu a pidi aklarashon di nos partnernan tantu paden komo pafó di Reino. Esaki ta nesesario pa haña e echonan tokante kiko eksaktamente a sosodé riba nos teritorio. Mester enfatisá ku Promé Minister Pisas te ku awe no a haña konfirmashon di outoridatnan relevante ku enberdat e suseso aki a tuma lugá riba suela di Kòrsou.

Sinembargo Gobièrnu di Kòrsou ta deseá di sigui enfatisá ku Kòrsou su neutralidat ta wordu konsiderá di gran balor i semper lo keda wordu vigilá. Den e sentido aki, nos ta spera ku ora partnernan internashonal ta operá den nos espasio aéreo òf hafnan, e informashon nesesario lo wòrdu kompartí ku nos. Nos posishon pa ku tur partido enbolbí den e tenshonnan regional anteriormente menshoná ta keda meskos: Kòrsou ta i lo keda un teritorio neutral, i nos ta respetá e òrdu hurídiko di Reino i e podernan asosiá ku esei, partikularmente e kuido di nos defensa i relashonnan eksterior.

---

 

Willemstad – De gebeurtenissen rond de oppositieleidster van Venezuela, mevrouw María Machado, hebben deze week zowel lokaal als internationaal veel aandacht getrokken door de publicaties daarover in de media. Ook zijn er door velen vragen gesteld over de mogelijke betrokkenheid van de Curaçaose regering rond het vertrek van mevrouw Machado uit Venezuela. Het is belangrijk dat wij als regering helder zijn over de positie van Curaçao.

Curaçao voert, binnen de door de regering van het Koninkrijk uitgezette beleidslijnen voor buitenlandse aangelegenheden en met inachtneming van internationale verdragen, een beleid van strikte neutraliteit in de huidige regionale politieke spanningen. Wij mengen ons niet in binnenlandse of buitenlandse aangelegenheden van andere landen en wij werken niet mee aan acties die onze neutraliteit zouden kunnen ondermijnen.

Curaçao maakt deel uit van het Koninkrijk der Nederlanden en de regering daarvan is verantwoordelijk voor Defensie en Buitenlandse Zaken. In de internationale diplomatieke – en veiligheidscontext kan bepaalde informatie, bijvoorbeeld bij gevoelige humanitaire, veiligheids- of militaire operaties, via de reguliere diplomatieke- en militaire kanalen lopen, waar de regering van Curaçao geen onderdeel van is. Dat betekent dat wij niet bij elke operatie vooraf wórden geïnformeerd, en dat is in lijn met de bevoegdheidsverdeling binnen het Koninkrijk.

Het is belangrijk om te benadrukken dat de regering van Curaçao niet betrokken was bij de planning of uitvoering van de reis van mevrouw María Machado, die een gevoelige operatie betrof. Nu details over haar vertrek uit Venezuela en aankomst in Noorwegen, naar verluidt gedeeltelijk via een buitenlandse faciliteit op Curaçao, bekend zijn geworden, heeft de regering onmiddellijk om opheldering verzocht aan onze partners binnen en buiten het Koninkrijk. Dit is nodig om de feiten te verkrijgen over wat zich precies op ons grondgebied heeft afgespeeld. Benadrukt moet worden dat Minister-president Pisas tot op heden geen bevestiging heeft ontvangen van de relevante autoriteiten dat dit voorval daadwerkelijk op Curaçaose bodem heeft plaatsgevonden.”

De regering van Curaçao wenst evenwel te blijven benadrukken dat Curaçao haar neutraliteit koestert en altijd zal blijven bewaken. In dat verband wordt verwacht dat, wanneer internationale partners in ons luchtruim of onze havens opereren, de daarbij behorende informatie met ons wordt gedeeld. Onze positie jegens alle partijen die betrokken zijn bij voornoemde regionale spanningen blijft onveranderd: Curaçao is en blijft neutraal grondgebied en wij respecteren de rechtsorde van het Koninkrijk en de bevoegdheden die daarbij horen, met name de zorg voor onze defensie en buitenlandse aangelegenheden.