Entrega di Sertifikado i Diploma 2025 na SDKK

Entrega di Sertifikado i Diploma 2025 na SDKK

Willemstad- Djaweps 18 di desember 2025, un grupo grandi di klientenan  di Sentro di Detenshon i Korekshon Kòrsou (SDKK), a risibí nan sertifikado i diploma di varios kurso i estudio ku a keda duna durante di aña 2025.

Kursonan ku a keda duna na klientenan di prizòn tabata e.o: Interieurverzorger ( limpiesa), Koeltechniek, Keuken Assistent. Pa ku estudionan di OSBOD na nivel 1+2 di SBO, a keda duna e.o: Timmeren ( Karpiteria), schilderen ( fèrfdo), Confectie ( Kosementu) i Autotechniek,            ( mekaniko). Tambe tabata tin klientenan ku a risibi nan sertifikado di Stoffeerderij (furamentu di stul) i sertifikado di partispashon di e trayekto di agrikultura huntu ku AVB i Soltuna.

Durante un seremonia bunita den kompania dipersonal di SDKK, famia i demas invitadonan, a hiba palabra sr.Anthony Hasselmeijer komo direktor suplente di prizòn, sra. Zwerwer komo direktora di OSBOD, sra. Sharissa Llewelyn komo hefe di OVT i finalmente Minister di Hustisia sr.Shalten Hato tambe a felisitá i pone énfasis ku e logro di awe, bo por usa esaki pa futuro na momentu bo sali e instituto. 

E seremonia a terminá den ambiente ameno kaminda tur presente por a felisitá e kursistanan i studiantenan i tambe sosialisá durante e bunita enkuentro aki. Gerensia di SDKK ta sumamente kontentu di e resultadonan di e klientenan ku a terminá sea un kurso of estudio durante aña 2025.