Re-apertura di Ofisina di Atmishon.

Resientemente mi a kompartí ku personal di Admission Office Curaçao nan re-apertura di nan ofisina na Punda. Ku e re-apertura aki, nos ta dal un paso importante pa hasi e servisio mas aksesibel, mas efisiente i mas serka di nos pueblo.

Servisio di Atmishon tin un ròl klave i importante den proseso di atmishon i estadia di hende den nos pais. E organisashon hudisial aki ta hopi importante pa duna un servisio kla, ordená i bon organisá pa asina por garantisá seguridat, legalidat i bon gobernashon.

E ofisina na Punda ta operashonal bèk, i ta yuda pa mehora e atendimentu ku públiko i ta sigui traha riba un sistema di atmishon modèrno i konfiabel.

Mi ke gradisí tur e personal ku pa largu tempu a traha via di kas, i tambe pa e pasenshi ku nan tabata tin durante e periodo di transishon. Huntu nos ta sigui traha pa un Hustisia mas fuerte i un Kòrsou mas ordená.