Djabièrnè, 19 di desèmber 2025, Promé Minister sr. Gilmar Pisas, a risibí Konsul General di China na Kòrsou, sr. Zhang Kaibin.

Esaki tabata un bishita di kortesia kaminda Konsul General Zhang a bini pa introdusí su mes komo Konsul General nobo riba nos isla i pa eksplorá área di interés komún.

Promé Minister Pisas i Konsul General Zhang a interkambiá riba temanan manera e sektor di salubridat, desaroyo ekonomiko i energia. Tambe a papia tokante e Belt and Road Initiative i kua proyektonan China ta hasiendo den nos region.

E bishita a tuma lugá den un esfera ameno basá riba bon entendimentu i kolaborashon, pa sigui mantené un diálogo kontinuo na benefisio di Kòrsou.