Homber ta guli hopi awa durante di landamentu
KUERPO POLISIAL KCRSOU
KOMUNIKADO DI PRENSA505/2025
28 desember 2025
Homber ta guli hopi awa durante di landamentu
Djasabra 27 di desember 2025 alrededor di 14.19’or, Sentral di Polis a dirigi un unidat dt Barber pa Playa Piskado pa un homber ku a guli hopi awa i tabatin necesidad pa asistensia mediko.
Na yegada di e unidat na e playa, un dama a konta polis ku e viktima ku tabata huntu kune i mas persona a drenta awa su so pa bai landa.
Un ratu despues un otro bishitante di e playa ku tabata landando a indika na e dama ku tin un homber drumi den fondo di laman.
Mesora personanan na e playa a saka e homber for di laman i a kuminsa ku reanimashon sperando yegada di ambulans.
Despues ku personal di ambulans a yega, a stabilisa e viktima pa despues transport’e ku urgensia pa Sala di Emergensia di C.M.C. patratamentu mediko.
