KUERPO POUSIAL KORSOU

KOMUNIKADO DI PRENSA

508/2025

29 desember 2025

Dos entrada hudisial ku detenshon pa violashon di lei di arma di kandela

Djaluna 29 di desember 2025 alrededor di 16.25’or, personal di tim di Aresto konhuntamente ku tim di Atrako a tene un entrada hudisial na un kas den Normandie. Kontinuando ku investigashon na e adres ariba menshona a hafia i konfiska 2 arma di kandela.

Enkonekshon ku esaki a detene e hombernan B.S.C.B. di 19 ana di edat, N.C.C. di 20 ana di edat, J.J.G.E.di 20 ana di edat ie dama J.C.A.N.M. di 25 ana di edat, tur kuater nase na Korsou, relashona ku violashon di e lei di arma di kandela.

I na e mesun adres a detene B.S.C.B.di 25 ana di edat nase na Korsou, relashona ku varios kiebro.

Despues a bai e di dos entrada hudisial na Saonaweg.

Durante di e entrada hudisial a hafia i konfiska un arma di kandela mas.

Na e sitio a detene  e homber L.A.C. di 42 ana di edat nase na Korsou, relashona  ku violashon di e lei di arma di kandela.

A presenta e sospechoso nan dilanti di un fiskal ouksiliar ku a ordena nan enkarselamentu pendiente di mas investigashon.