Dos turista morto den hotel na Palm Beach
Djadumingo sentral di polis na Aruba a dirigi patruya pa St. Regis Hotel kaminda tin indikashon ku a persona lo a kai for di e balkon di mas haltu i a fayese.
Ambulanse a yega na e sitio ku urgensia pero no por a hasi nada mas pa e persona maskulino di nashonalidat merikano.
Investigashon ku a tuma luga na e sitio ta indika ku e persona a yega Aruba dos dia prome, i ela bula for di e piso di mas haltu di e hotel ku konsekuensia ku ela bin perde su bida. Pero e mes tabata kedando den e di dos piso di e hotel.
Pero pa sorpresa ora polis a bai investiga kontrola den e kamber di e homber ku a bula for di e piso di mas haltu di e hotel, a bin topa ku un dama ku no ta duna señal di bida.
Ku a resulta ku ta kasa di e homber ku a bula pone fin na su bida for di e piso di mas haltu di e hotel.
Tin indikashon ku e homber ku a mata su kurpa a yama su agente na merka i a indika na esaki ku ela a kaba di mata su kasa i awor e ta bai pone fin na su mes bida.
Ta trata di un kaso di asesinato i suisidio.



