Enkuentro fruktífero riba seguridat regional ku Minister di Defensa Brekelmans – Vruchtbaar overleg over regionale veiligheid met Minister van Defensie Brekelmans

WILLEMSTAD – Riba 7 di yanüari 2026, Promé Minister sr. Gilmar Pisas a reuní ku Minister di Defensa di Reino, sr. Ruben Brekelmans. Minister Brekelmans ta na Kòrsou pa un bishita di trabou.

Durante di e enkuentro akí a trata diferente tema importante relashoná ku kartera di e Minister i e kolaborashon entre Hulanda i paisnan den Karibe. Espesialmente Promé Minister Pisas i Minister Brekelmans a interkambiá ku otro tokante e desaroyonan di último tempu i e situashon aktual den nos region entre Venezuela i Estados Unídos di Merka. Minister di Defensa Brekelmans a indiká ku Ministerio di Defensa a identifiká diferente senarionan, pero basá riba kalkulashonnan aktual, na e momentonan akí, no tin riesgo di un menasa militar eksterno den nos área ku lo por afektá Kòrsou.

No opstante esaki, Gobièrnu di Reino i Gobièrnu di Kòrsou lo keda monitor konhuntamente e desaroyonan den nos region i lo keda den komunikashon kontinuo ku otro. Finalmente a palabrá ku Gobièrnu di Reino den koperashon ku Gobièrnu di Kòrsou lo hasi un análisis di e akontesimentunan di último tempu, pa si ta nesesario hasi e ahustenan den e strategia di seguridat pa hinter Reino Hulandes, espesialmente pa e parti den region di Karibe.

E reunion a tuma lugá den un ambiente habrí i ameno, suprayando e importansia di kolaborashon i komprenshon mutuo den Reino.

WILLEMSTAD – Op 7 januari 2026 heeft minister-president Gilmar Pisas een overleg gehad met de minister van Defensie van het Koninkrijk der Nederlanden, de heer Ruben Brekelmans, die Curaçao momenteel bezoekt in het kader van een werkbezoek.

Tijdens het gesprek kwamen diverse belangrijke thema’s aan bod die verband houden met de defensieportefeuille en de samenwerking tussen Nederland en de Caribische landen binnen het Koninkrijk. De minister-president en minister Brekelmans bespraken in het bijzonder de recente ontwikkelingen in de regio, waaronder de gespannen situatie tussen Venezuela en de Verenigde Staten.

Minister Brekelmans gaf aan dat het ministerie van Defensie verschillende scenario’s heeft doorgelicht, maar dat er op basis van de huidige analyses geen sprake is van een acute externe militaire dreiging voor Curaçao of de omliggende regio.

Desondanks blijven de regering van het Koninkrijk en de regering van Curaçao de situatie nauwlettend volgen en onderhouden zij continu contact. Er is afgesproken dat gezamenlijk een nadere analyse zal worden uitgevoerd van de recente ontwikkelingen, zodat – indien nodig – de veiligheidsstrategie van het Koninkrijk, en in het bijzonder voor het Caribisch deel, kan worden aangepast.

Het overleg vond plaats in een open en constructieve sfeer, waarbij het belang van onderlinge samenwerking en wederzijds begrip binnen het Koninkrijk nadrukkelijk werd onderstreept.