Aksidente na Kaya International.

Djaluna 12 di yanüari, alrededor di 3:30 di atardi, ‘meldkamer’ sentral a risibí notifikashon tokante un aksidente na Kaya International.

Na e sitio a resultá ku ta trata di un aksidente entre un trèker i un skuter. Pa motibunan ainda deskonosí, e skuter a dal kontra di e trèker. A konsekuensia di e impakto, e shofùr di e skuter a resultá heridá.

Personal di ambulans a presentá na e sitio i a kontrolá e víktima, pa despues transport’é pa hòspital pa tratamentu médiko mas avansá.