Minister Shalten Hato {BAN PA MAS DEN 2026}

Ministerio di Hustisia djaluna 12 di Yanuari 2026 a tene un “startconferentie” ku tur su personal pa habri e aña 2026 riba un manera uní, motivá i ku bista riba futuro.

Durante e konferensia, a mira bèk riba e logro nan di e aña pasá i a pone enfoke riba e reto i prioridatnan ku ta warda Ministerio di Hustisia den e aña nobo. E enkuentro a sirbi tambe komo un momento pa fortalesé kolaborashon entre e diferente departamentunan, kompartí ideanan nobo i afirmá e importansia di trabou den ekipo.

Durante e 1/2 dia a asentuá riba profeshonalismo, integridat i dedikashon komo pilarnan prinsipal pa sigui sirbi komunidat di Kòrsou ku responsabilidat.

Ku e “startconferentie” aki, Ministerio di Hustisia ta kuminsá 2026 ku energia, klaridat i kompromiso pa sigui traha riba hustisia, seguridat i un komunidat mas fuerte i seif pa tur hende.