E storia interesante aki ta inspira pa su experencianan personal y profesional riba e isla di Aruba. E evento lo celebra e buki inspira pa Eva su biahe personal y profesional riba e isla y su experencianan di brasa cambio den un mundo multicultural.

Loke a cuminsa como un simpel biahe di skirbimento pa caba su di dos buki tocante relacionnan, Are You Married to a Psychopath? pronto a bira un aventura cu a cambia bida. Eva a namora di Aruba, su beyesa, hendenan, y cultura, y a bolbe aña tras di aña pa skirbi y reconecta. Eventualmente, e la construi un cas, a habri su practica, y a bira un sicologo di confiansa den comunidad.

Pero manera Eva a descubri, bishita un isla y construi un bida riba dje ta dos cos hopi diferente. Bou di e superficie di One Happy Island, ela topa cu retonan cu nunca e por a imagina, problema cu imigracion cu a lag’e ilegal dos biaha, te na momentonan di corupcion, traicion y hasta peliger. Toch, atraves di cada prueba, ela haya compasion y proposito. Rescatando cacho di caya, descubriendo e fauna unico di Aruba, y brasando e spirito multicultural caluroso di e isla.

Mientras cu ‘Dare to Change Your Life’ ta saca for di experencianan di bida real, e ta destina pa entretenimento y inspiracion personal, no como un documental factual. E buki ta ofrece lectornan un exploracion atractivo di descubrimento propio, curashi y transformacion. Skirbi na un manera astuto y yen di intuicion, e ta encurasha lectornan pa brasa cambio y wak bida for di perspectivanan nobo.

E evento di lansamento ta inclui un introduccion di e autor, y firmamento di buki. Eva tambe ta comparti bista riba e proceso di skirbimento y e temanan central di cambio, resiliencia y crecemento personal explora den e buki.

‘Dare to Change Your Life’ ta obtenibel awor na Plaza Bookshop y De Wit Van Dorp.

Tocante e Autor
Eva Rusz ta un psicologo Sueco, psicoterapeuta cognitivo, y autor di bestseller cu mas cu dos decada di experensia. Su trabou ta enfoca riba yuda hende compronde relacionnan, salud mental y crecemento personal. E ta parti su tempo entre Suecia y Aruba, unda e ta sigui skirbi, practica, y inspira otronan pa brasa cambio positivo.