Wendell Bonafacio ta direktor interino nobo pa OW

Willemstad – Entrante di awe, 19 di yanüari 2026, Minister Charles Cooper a nombrá Sr. Wendell Bonafacio komo direktor interino di Servisio pa Obra Publiko (OW) pa un periodo di 3 aña.

E nombramentu aki ta orientá riba kontinuidat, kalidat i fortalisashon di e organisashon. Durante e periodo di transishon, lo traha riba:

•fortalesé liderato i struktura interno di UOOW;

•mehorá proseso, maneho di proyektonan i proseduranan;

•garantisá kontinuidat den e tareanan primario manera kaminda, awa i fasilidat públiko.

E direktor interino lo ehekutá su enkargo di un manera independiente i profeshonal, den kordinashon ku Minister Cooper i tim di maneho di e ministerio

Lo duna Sr. Wendell Bonafacio tur kolaborashon i sosten pa huntu sigui traha riba un UOOW mas fuerte, mas profeshonal i prepará pa futuro.