Orguyoso Branding Partner: Digicel Kòrsou ta trese e ‘Tumba Vibe’ ku ofertanan eksklusivo den siman di Festival di Tumba
Orguyoso Branding Partner:
Digicel Kòrsou ta trese e ‘Tumba Vibe’ ku ofertanan eksklusivo den siman di Festival di Tumba
WILLEMSTAD – Miéntras Kòrsou ta prepará pa un di su selebrashonnan kultural mas vibrante, Festival di Tumba, Digicel Kòrsou ta orguyoso di anunsiá un seri di promoshon eksitante komo parti dje selebrashon den e siman di Tumba. Ya kaba por a sinti e vibrashon positivo durante di Inskripshon di Tumba djadumingu último, na unda Digicel tabata presente komo branding partner. Den e próksimo dianan Digicel lo ta rekompensando klientenan ku karchinan di Festival di Tumba, deskuentonan spesial, bónùs data, i regalonan eksklusivo, tur diseñá pa mehorá e eksperensia di Karnaval miéntras ta mantené klientenan konektá.
Aktivo ya kaba ta e, ‘in-store gimmick’ kaminda kada di sinku kliente ku apliká pa un plan di telefòn postpago òf servisio di Internet pa kas na kualke tienda di Digicel lo risibí un karchi grátis pa Festival di Tumba 2026. Pa loke ta ‘Pay Per View’ (PPV); tur kliente nobo ku suskribí pa un TV Bundle di Digicel+ lo benefisiá di e promoshon di Tumba i nan lo haña akseso grátis pa wak Tumba riba Kanal 54. Klientenan aktual por chèk nan inbox òf tuma kontakto ku Digicel pa un ‘regalito’ spesial ku tin prepará pa nan.
Durante e Siman di Festival di Tumba, Digicel Kòrsou lo sigui sorprendé klientenan ku ofertanan eksklusivo. Klientenan prepago por disfrutá di un plan spesial di 25GB di data pa kualke uso- durante 5 dia pa solamente XCG 25. Klientenan ku apliká pa kualke plan postpago lo risibí un deskuento instantáneo di XCG 54 huntu ku un 54GB adishonal di data pa kualke uso. Esnan ku suskribí pa servisio di Internèt pa kas di Digicel durante e periodo aki lo risibí un luna grátis komo parti di nan kontrato.
Pa medio di e ofertanan eksklusivo aki, Digicel Kòrsou ta sigui demostrá su kompromiso pa selebrá kultura lokal miéntras e ta entregá balor, konektividat, i eksperensianan inolvidabel na su klientenan. Pa mas informashon, ta enkurashá klientenan pa bishitá e tienda di Digicel mas serka, sigui Digicel Curaçao riba medionan sosial, òf bishitá www.digicelcuracao.com Keda pendiente pa mas oferta den e temporada di Karnaval nos dilanti.
