Shofùr di un outo a pèrdè kòntròl riba e vehíkulo dor di kua a dal den diferente vehíkulo ku tabata stashoná kantu di kaminda.

Djadumingu 18 di yanüari, alrededor di 3.30 or di atardi, un aksidente di tráfiko a tuma lugá na Kaya Amsterdam. Shofùr di un outo a pèrdè kòntròl riba e vehíkulo dor di kua a dal den diferente vehíkulo ku tabata stashoná kantu di kaminda.

Aparte di e shofùr, tabatin tres (3) pasahero den e vehíkulo, di kua unu ta un menor di edat. Personal di ambulans a transportá tur kuater (4) víktima enbolbí pa hòspital pa tratamentu médiko mas avansá.

Polis a sera e kaminda temporalmente.