Gobernador ta ricibi Rector di Universidad di Aruba
Gobernador ta ricibi Rector di Universidad di Aruba
ORANJESTAD – Dialuna 19 di januari ultimo, Gobernador di Aruba, Su Excelencia Alfonso Boekhoudt, a ricibi Sra. Sue-Ann Lee, Rector di Universidad di Aruba, pa un audiencia.
Esaki ta e prome audiencia di Sra. Lee desde su nombramento oficial como Rector na juli 2025, despues di un periodo como Rector interino.
Durante e audiencia a enfatisa riba e asuntonan actual na universidad y e retonan cu tin. A trata topiconan manera e vision pa futuro, colaboracion cu otro institutonan educativo, y e relacion entre enseñansa y investigacion.
Potret: © Kabinet Gouverneur Aruba
