Minister Charles Cooper Un komienso nobo! Djabièrnè 23 di yanüari 2026 nos propio Regulatory Authority Curaçao á kumpli 25 aña di eksistensia.

Djabièrnè 23 di yanüari 2026 nos propio Regulatory Authority Curaçao á kumpli 25 aña di eksistensia. I tambe na mes momentu a revelá nan plan di modernisashon di nan edifisio, ku un tremendo “Ground Breaking” i nan logo nobo pa selebrashon di 25 aña!

Mi a kuminsá mi diskurso na RAC ku un reflekshon di kon 25 aña ta pasa. Mi ta orguyoso di por a mira e kresementu di e tempu ey BTP (Bureau Telecommunicatie & Post) ku awor aki ta RAC (Regulatory Authority Curaçao) ku tin un ròl sumamente importante den nos komunidat. Un pabien ta bai na kada un empleado di RAC ku nan kontribushon di kada dia i tambe un pabien ta bai na RAC su direktor sr Curt Belfor pa sigui guia, sigui inspirá i sigui hiba RAC den e bon direkshon!