“Cold front” ta okashoná olanan haltu parti p’abou di nos isla    

“Cold front” ta okashoná olanan haltu parti p’abou di nos isla    

Willemstad – For di komienso di siman Ministerio di GMN a risibí informashon ku tin olanan haltu na kosta partinan p’abou di nos isla. Ta trata aki di resake ku olanan haltu okashoná pa restunan di un asina yamá “cold front” (airu friu for di nòrt) kual ta den serkania di nos área. Ta trata aki di mesun “cold front” ku a pasa riba  estadonan sùitost di Merka durante fin di siman ku a pasa. E restunan di e “cold front” aki a yega nos region na komienso di siman i a kousa entre otro ku e temperatura na Kòrsou a baha un poko. Pues e “cold front” ta kousa di e olanan haltu i GMN ta keda monitoriá e situashon pa despues inventarisá e daño hasí na nos playanan.

Riba potrèt por mira e olanan haltu ku a asotá playa di Kenepa Grandi.