Marcha Hubenil na Rincon

UPDATE #1: Marcha Hubenil na Rincon

Kuerpo Polisial Hulanda Karibense a tene kòntròl riba vehíkulo i shofùr ku ta partisipá den e marcha hubenil na Rincon, kual a start 3.20 or di atardi.

Durante kòntròl, a resultá ku shofùr di un vehíkulo no tabata disponé di un reibeweis bálido pa e vehíkulo, i no por a mustra dokumento di seguro bálido, pa kua mester a buska un otro shofùr. Serka un siguiente vehíkulo, e shofùr tampoko no por a mustra e dokumento di seguro nesesario.

Tur shofùr a hasi un tèst di supla durante e kòntròl i tur a pasa esaki ku éksito.

Polis ta vigilá estriktamente riba e kumplimentu di e reglanan di tráfiko pa garantisá e seguridat di tur partisipante i bishitante durante e aktividatnan di Karnaval.