KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Minister di GMN tin atenshon pa virus Nipah

Minister di GMN tin atenshon pa virus Nipah

WILLEMSTAD — Apesar ku tin hopi inkietut surgiendo pa motibu di informashon internashonal tokante un brote di Nipah, ku ta kousá dor di e virus Nipah. Mester indiká ku  Ministeri di GMN tin atenshon pa ku esaki.

Resientemente a konstatá un kantidat chikitu di kaso na Asia di Sur-Oeste. Tur persona ku ta tin kontakto ku e kaso nan akí a wordu kontrolá i ningun di nan no a keda komtagi ku e malesa. E infekson di virus Nipah a wordu konstatá  pa promé biaha na Asia di Sur-Oeste na 1998. E tempu ei, periodikamente for di 2001, a konstatá algun kaso na Bangladesh, India, Malaysia, Filipinas i Singapore.

E infekshon di virus Nipah ta transmití na hende pa medio di kontakto direkt ku animal infektá, manera vleermuis, porko i kabai, i tambe pa medio di konsumí fruta kontaminá, manera djus di dadel di palma kontaminá dor di vleermuis. E virus por tambe kousa malesa serio bou di animal, por ehèmpel na porko.

Bou di hende, e malesa por kousa síntomanan neurológiko hopi serio i den hopi kaso por resultá na morto.

Te awor no tin ningun kaso konstata pafó di Asia di Sur-Oeste, pero Kòrsou ta alerta i a kuminsá tuma e preparashonnan nesesario. E motibu di publiká e komunikado di prensa akí ta pa yama tur hende pa keda kalmo, a pesar di mensahenan riba medio sosial. Ta importante pa enfatisá ku semper ta trata di un kantidat chikí di kaso ku a keda limitá na Asia di Sur-Oeste.

Na bishitantenan ku ta bai Asia di Sur-Oeste (specialmente na West Bengal, India) ta rekomendá pa no tin kontakto direkto ku animal, laba, kaska fruta i kushiná  bèrdura promé ku konsumí nan. No bebe djus di palma di dadel i evitá kontakto ku persona infektá.

Den termino korto lo duna mas informashon tokante e tema akí.

 

639114718427035"
639114718427035"