UPDATE #2: Marcha Hubenil na Rincon

 

UPDATE #2: Marcha Hubenil na Rincon

Apresiabel miembro di prensa,

Marcha Hubenil na Rincon a finalisá awe alrededor di 6.08 or di atardi. Marcha a transkurí di forma ordená i sin ningun insidente grandi kaminda mester a aktua di parti di Kuerpo Polisial Hulanda Karibense.

Durante marcha, polis a topa ku tres (3) menor di edat ku tabatin alkohòl den nan poder. Agentenan a papia ku e menornan aki i a duna òrdu pa tira esaki afo.

Den e kuadro aki, Kuerpo Polisial ta atvertí doñonan di bar, minimarket, supermerkado i otro establesimentunan di horeka pa no bende alkohòl na menor di edat. Polis lo sigui kontrolá estriktamente e dianan benidero i lo aktua ora no kumpli ku e reglanan aki.