Análisis di krimenan di impakto haltu.

KOMUNIKADO DI PRENSA 267 /2022
30 mei 2022
Análisis di krimenan di impakto haltu.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Krímennan di impakto haltu durante di e periodo di23 pa 29 di mei 2022 a duna e siguiente
resultado.
Atrako
Tabatin tres (3) kaso di atrako. E atrako a tuma lugá djárason 25 i djasabra 28 di mei
durante di e orarionan 20.46’or, 05.58’or i 09.30’or.
Nan a tuma lugá na un minimarket riba F.D. Rooseveltweg, den un kas na Rancho i na un
establesimentu den Breedestraat (O).
Ladronisia di vehíkulo
Den e periodo polis a raportá dos (2) kaso di ladronisia di outo.
E vehíkulonan a keda hortá riba djaluna i djamars entre 20.30’or – 06.00’or i 12.45’or i
05.15’or.
E outonan ku a keda hortá ta di Kia Sportage i un Toyota Hilux.
A bai ku vehíkulonan for di Kaya Venezia i St. Michielsweg.

Kiebro den kas
Polis a registrá shete (7) kiebro den kas. Mayoría di e kiebronan aki a tuma lugá riba
djárason i djabierne entre 08.00’or – 10.00’or i 15.00’or – 18.00’or.
Malechornan a penetrá dor di kibra òf fòrsa bentana òf porta di patras.
E kiebronan aki a tuma lugá na e.o. Stenen Koraal, Montana Rey, Kaya Platio i Angolaweg.
Kiebro den negoshi
A konfirmá 5 kiebro den negoshi i mayoria a tuma lugá riba djarason, djabierne, djasabra i
djadumingu entre 03.00’or i 05.00’or.
Malechornan a penetrá den e edifísionan dor di kibra porta òf kibra hèkwerk.
E áreanan na unda e kiebronan aki a tuma lugá tabata Jan Noorduynweg, Rooi Catootje,
Kaya Kooyman, Industriepark Seru Lora i Rooi Catootjeweg.
Kiebro den/na outo
Tabatin tres (3) kiebro den outo, ku a tuma lugá riba djaweps, djasabra i djadumingu entre
03.00’or i 05.30’or.
E método ku mas e malechornan a usa tabata di ranka e bumper dilanti di e vehikulonan.
E sítionan na unda a kibra na e outonan aki tabata Breedestraat (O), Punta Cardonweg i riba
luga di stashona outo na W.T.C.
Violensia relashonal
Polis mester a atendé dies (10) kaso di violensia relashonal, di kua mayoria a tuma lugá riba
djaweps.
Mayoría di e kasonan aki a tuma lugá entre 09.00’ – 10.00’or i 14.00’or – 15.00’or.
E áreanan kaminda ku polis mester a duna asistensia pa e tipo di violensianan aki, tabata for
di Montana te ku Soemboe.

 

 

 

 

https://www.facebook.com/profile.php?id=100045700818054

This site uses Akismet to reduce spam. Learn how your comment data is processed.

%d bloggers like this: