10 di FEBRÜARI 2026 Charla: “DOLÓ DI GARGANTA” na Sentro di bario Souax

10 di FEBRÜARI 2026 Charla: “DOLÓ DI GARGANTA” na Sentro di bario Souax

 
Fundashon Pro Souax i Sentro di bario Souax, ta informá habitantenan di Souax, Gato, Zegu i bisindario i tur otro interesado ku djamars awor 10 di febrüari lo tin otro interesante charla riba salú i kuido di salú. Tópiko di e luna aki ta:
                                             
                                          “DOLO DI GARGANTA”

Dr.Oliva lo amplia riba doló di garganta (Faringoamigdalitis) kousá dor di un virus òf dor di un bakteria. E lo splika kua ta e sintomanan den ambos kaso i ki ora mester òf no mester uza antibiotika ; kon kuida na kas i kiko por uza pa aliviá e sintomanan di doló di garganta.
Pa loke ta e tópiko di e luna aki, dr Oliva lo amplia tambe riba e peliger di: uzo di remedi riba propio inisiativa sin konseho di un dòkter òf sin un reseta.

E charla ta tuma lugá na Sentro di Bario Souax di shet’or pa mitar di nuebe di anochi i entrada ta grátis. Durante e charla lo tin amplio oportunidat pa hasi pregunta.                                          

Charla SALU I KUIDO DI BO SALU Tópiko   : “DOLÓ DI GARGANTA”  Oradó   : Dr. OCTAVIO OLIVA Dia        : Djamars 10 di FEBRÜARI 2026 Ora        : Shet’or pa mitar di nuebe di anochi  (19.00 – 20.30)   Lugá   : Sentro di bario Souax                             Entrada  : GRATIS