Aksidente entre dos vehíkulo na krusada di Kaya Thomas M. Marchena i Kaya Nikiboko Nort

Alrededor di 8.50 or di anochi di awe, a tuma lugá un aksidente entre dos vehíkulo na krusada di Kaya Thomas M. Marchena i Kaya Nikiboko Nort.

Pa motibunan te ahinda deskonosí, e dos vehíkulonan a dal kontra di otro. Komo konsekuensia di e impakto, un di e vehíkulonan a terminá parsialmente den kurá di un bibienda den bisindario.

Den tur dos vehíkulo tabatin un shofùr i un pasahero. Personal di brantwer i ambulans a presentá na e sitio pa duna asistensia i a transportá tur kuater (4) víktima pa hòspital pa tratamentu médiko avansá. Situashon di un di e víktimanan ta di atenshon.

Departamentu di tráfiko di KPCN ta kontinuá ku e investigashon.