Kòrsou presente na evento internashonal di Kopa Mundial na Washington / Curaçao aanwezig bij internationaal WK-moment in Washington

WILLEMSTAD – Djárason 4 di febrüari 2026, Minister Plenipotensiario di Kòrsou na Washington, sr. Jérôme Beeldsnijder, tabata presente na un enkuentro diplomátiko riba invitashon di e Embahador di Alemania na Merka, sr. Jens Hanefeld.

E enkuentro a wòrdu organisá den kuadro di e Kopa Mundial 2026, ku e meta pa trese huntu representantenan diplomátiko di paisnan partisipante i pa enfatisá e importansia di solidaridat internashonal pa medio di deporte.

Durante e anochi, a desvelá e bala ofisial di partido pa Mundial, diseñá pa Adidas i yamá “Trionda”. E nòmber ta referí na tres elemento fundamental: union, pashon i diversidat. E diseño ta inspirá pa e moveshon di olanan ku ta flui, simbolisando e konekshon entre kontinente- i kulturanan. E bala ta representá inovashon, herensia i un futuro kompartí.

Pa Kòrsou, e diseño ta alineá perfektamente ku e narativo di “Ola Blou”, kaminda deporte, identidat di isla, ekonomia blou i kolaborashon internashonal ta uni den un mesahe integral.

E enkuentro tabata un ehèmpel inspirativo di diplomasia deportivo. Kòrsou su presensia a enfatisá e importansia di visibilidat riba tarima mundial, no solamente den deporte pero tambe den seno di e komunidat diplomátiko.

---

WILLEMSTAD – Op woensdag 4 februari 2026 nam de Gevolmachtigd Minister van Curaçao in Washington, de heer Jérôme Beeldsnijder, deel aan een diplomatieke bijeenkomst op uitnodiging van de Duitse ambassadeur in de Verenigde Staten, de heer Jens Hanefeld.

De bijeenkomst werd georganiseerd in het kader van het WK voetbal 2026. Doel was om diplomatieke vertegenwoordigers van deelnemende landen samen te brengen en om het belang van internationale verbondenheid via sport te onderstrepen.

Tijdens de avond werd de officiële wedstrijdbal voor het WK, ontworpen door Adidas en ‘Trionda’ genoemd, onthuld. De naam verwijst naar drie fundamentele elementen: eenheid, passie en diversiteit. Het ontwerp is geïnspireerd op de vloeiende beweging van golven, als symbool voor verbinding tussen continenten en culturen. Daarmee staat de bal voor innovatie, erfgoed en een gezamenlijke toekomst.

Voor Curaçao sluit het ontwerp perfect aan op het ‘Blue Wave’-verhaal, waarin sport, eilandidentiteit, blauwe economie en internationale samenwerking samenkomen.

De bijeenkomst vormde een inspirerend voorbeeld van sportieve diplomatie. De aanwezigheid van Curaçao onderstreepte het belang van zichtbaarheid op het wereldtoneel, niet alleen op sportief vlak, maar ook binnen de diplomatieke gemeenschap.