Relato adishonal di M21 kombersashon orientativo posibel koalishon nobo.

Pa:
Gezaghèber di Entidat Públiko Bonaire
Kaya Grandi 30
Kralendijk
Bonaire C.N.

Apresiabel Sr. Gezaghèber Soliano,

Frakshon M21 a tuma nota di un relato ku frakshon UPB a
entregá na Sr. Gezaghèber enkuanto 2 kombersashon
orientativo ku a tuma lugá entre frakshon- nan di UPB, MPB i
M21. Sra. Salma Serberie a partisipá solamente na e promé
reunion.
Den e relato ku frakshon UPB a manda falta un
kombersashoon mas ku a tuma lugá entre Sra. Jolinda Craane
(JC) komo bosero di UPB i mi persona na nòmber di Frakshon
M21 tres dia promé ku e reunion ku e demas frakshonnan ariba menshoná.
Aki un rekapitulashon di e kombersashon entre bosero di UPB i M21:
Fecha: 26 di yanüari último.
 JC a habri e kombersashon i a puntra si M21 ta dispuesto pa firma un akuerdo di
intenshon pa posiblemente kana yega na un koalishon nobo.
 Mi persona a bai di akuerdo i a firma e akuerdo di intenshon aki.
 Despues di a firma e akuerdo di intenshon JC a partisipá na mi persona ku M21 lo
no haña un diputado den un koalishon nobo.
 Mi a informá JC ku mi mester bai den mi seno ku e informashon aki.
 Mi a duna di konosé ku pasobra mi a firma e akuerdo di intenshon mi lo honra
esaki.
Ku e partisipashon di JC ku M21 lo no haña un diputado nos a drenta tres dia despues
den e reunion ku demas frakshonnan pa orientá enkuanto un posibel koalishon nobo.
Mi persona na inisio a pidi pa aklarashon riba e punto: mi a splika kon e kombersashon ku e bosero di UPB a bai, i mi a puntra si tur demas personanan presente ta kompartí e
punto di bista di bosero di UPB, esta ku M21 komo parti di un posibel koalishon nobo
(UPB-MPB-M21) lo no haña un diputado.
Despues di a deliberá riba e punto aki nos frakshon a duna di konosé ku M21 ta deseá pa
partisipá den un koalishon nobo a base di igualdat i rèspèt mutuo: ku otro palabra tin tres
partido, kada unu ta haña un diputado.

Frakshon MPB i Sra. Serberie a duna di konosé ku e kombersashonnan mester sigui a
base di igualdat.
Durante di e kombersashon M21 a proponé 3 opshon:
1. M21 ta mantené su aktual diputado di finansa.
2. Kada partido (UPB-MPB-M21) ta haña un diputado (kualke kartera).
3. Buska eksperto eksterno komo diputado pa tur karteranan: finansa, R&O i sosial
Akinan reunion a wòrdu di skòrs pa kada frakshon por a bai bek den nan seno i e mesun
anochi nos a sigui deliberá, sinembargo e puntonan di bista no a kambia, nunka a papia di
un “diputado interino”, si a bini ku un proposishon mas; e diputado eksperto eksterno
finansiero lo por baha na desèmber pa e diputado finansiero aktual asumí su funshon di
nobo; esaki M21 no ta konsiderá un proposishon serio. Konsekuentemente no a yega na
kon- senso.
M21 a duna di konosé dado kaso tin kambio den pensamentu i ku tin kombersashon a
base di partisipashon igual nos ta habrí pa kombersá. A sera e kombersashon aki.
M21 ketu bai ta habrí pa yega na un koalishon nobo ku interes di Boneiru dilanti riba un
base igual ku rèspèt pa ku otro.

Saludo Kòrdial,

_____________________
Désirée Coffie
Miembro Konseho Insular Boneiru
Lider Frakshon M21