Detenshon i konfiskashon relashoná ku ladronisia.

 

KOMUNIKADO DI PRENSA 296 / 2020
3 ougùstùs 2020
Detenshon i konfiskashon relashoná ku ladronisia.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Relashoná ku un kaso di ladronisia ku a tuma lugá awe 3 di ougùstùs 2020 den
oranan di mardugá, na un establesimentu komersial na Sportlaan, polis a detené
dos(2) sospechoso. Na e sitio deskonosínan a kibra diferente kònteiner i bai ku e
artíkulonan.
Siguiendo ku e investigashon den e kaso aki, alrededor di 09.15 or, reshèrshinan di
VVC konhuntamente ku unidatnan di mantenshon di Òrdu Públiko a tene un entrada
hudisial na dos (2) kas situá riba mesun tereno den área di Kirindongo abou.
Durante di e investigashon riba e tereno i den e bibiendanan, polis a bin haña i
konfiská vários artíkulo; e.o. elektróniko, di kushina, baterianan di trùk, televishon,
bentana i spiker. Tur e artíkulonan aki ta prosedente di e landronisia ariba
menshoná. Tambe riba e tereno a bin haña un plantashon di mariwana ku a keda
konfiská huntu ku un outo. E agentenan a tuma nota di iregularidat den wayanan i
uso di koriente. A pone e kompania konserní na altura di esaki.
Na e sitio polis a detené dos (2) sospechoso pa inkubrimentu;
 e hòmber S.D.A. di 55 aña di edat i
 e dama M.Th.W. di 57 aña di edat, ámbos nasé na Kòrsou.
A presentá e sospechosonan dilanti di un fiskal ouksiliar ku a ordená nan
enkarselamentu pendiente di mas investigashon

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: