Intento di atrako ku detenshon 

KUERPO POLISIAL KÒRSOU 

 

KOMUNIKADO DI PRENSA

031/2026 29 yanüari 2026 

Intento di atrako ku detenshon 

Djárason 29 di yanüari 2026 alrededor di 17.03’or, Sentral di Polis a risibí  informashon ku tabatin un kaso di intento di atrako den Heerenstraat (Punda). Mesora a dirigí unidatnan na e sitio i na yegada di e promé unidat, el a bin  komprondé ku algun ratu promé un hòmber a trata na ranka tas for di un  turista den e kaya ariba menshoná i despues hui na pia. 

Despues di un búskeda den e área, a logra detené e hòmber O.D.G. di 37 aña  di edat nasé na Jamaica, pa e kaso ariba menshoná . 

A presentá e sospechoso dilanti di un fiskal ouksiliar ku a ordená su  

enkarselamentu pendiente di mas investigashon.