Korps Politie Aruba: UN DAMA TA WORDO ALCANSA PA UN TIRO Y FAYECE NA POS CHIKITO

Diasabra madruga pa mas o menos 3:10, central di polis ta wordo notifica cu percela na Pos Chikito un hende muhe lo a wordo alcansa pa un tiro y no ta reacciona.

Central di polis ta despacha polis y ambulance pa e sitio di e sucedido.

Na yegada di e prome patruya ta topa cu un hende muhe den cura di su cas y no ta reacciona.

Ambulance ta yega na e sitio pero lamentablemente no por a haci nada mas pa e hende muhe.

Dokter forensico ta presenta y ta constata morto di Diviene Celine Lillian Vlaun naci na Aruba 12 di mei 1999 ( 27 aña).

E prome informa ta cu un auto color scur lo a pasa dilanti e cas y lo a los tiro na unda un of mas bala a alcansa e victima cu tabata den cura di su cas.

Diferente unidadnan di polis riba caya tambe ta presenta y cuminsa busca rond pa cu auto envolvi.

Recherche y polis forensico ta presenta pa haci nan investigacion. Departamento di slachtofferhulp tambe a presenta pa duna sosten na famia di e fayecido.

Cuerpo Policial Aruba ta haci un apelacion e persona cu sa of a wak algo pa yama e tiplijn di polis cu ta 11141. Bo ta keda anonimo.

Cuerpo Policial Aruba ta manda palabra di condolencia na famia di e fayecido.