Detenshon relashoná ku violashon di lei di opio.
KUERPO POLISIAL KÒRSOU
KOMUNIKADO DI PRENSA
030/2026 29 janüari 2026
Detenshon relashoná ku violashon di lei di opio.
Kontinuando ku investigashon relashoná ku un kaso ku violashon di lei di opio den añanan 2022 i 2023, polis a hasi detenshon.
Djárason 28 di yanüari 2026, alrededor di 20.46’or, riba òrdu di fiskal di Ministerio Públiko a detené e hòmber R.A.R., di 25 aña di edat nasé na Kòrsou, relashoná ku e kaso ariba menshoná.
Su detenshon a tuma lugá na aeropuerto Hato nèt na momentu ku e hòmber aki a yega nos isla.
A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.
