DETENIDONAN POR RISIBÍ BISHITA BÈK NA PRIZON

Tópiko: DETENIDONAN POR RISIBÍ BISHITA BÈK NA PRIZON

WILLEMSTAD- Gerensia di prizon ta informá ku entrante 7 di febrüari 2022 lo habri bèk pa detenidonan risibí bishita.

Kada detenido tin oportunidat pa risibí un persona mayor di edat na bishita, òf dos persona un mayor di edat kompaña pa un menor di edat. Ta nifiká ku no ta permití dos persona mayor di edat na bishita.

Tur bishitante mester tene nan mes estriktamente na medidanan di Covid i na instrukshonnan di personal di prizòn. Tur bishitante mester tin tapa boka bisti na tur momentu ku nan ta den e instituto.

Mester presentá ku identifikashon válido, vestuario adekuá. No ta permití drenta ku slòf, karson kòrtiku, ni karson kibra, ni kamisa manga aden. Bishitantenan ku ta bin for di eksterior mester presentá ku un prueba di Antigeentest no mas bieu ku 48 ora.

Detenidonan ku ta enkarselá den blòknan ku kontagio di Covid no mag risibí bishita.

Detenidonan ku ta deseá por hasi uso di bishita virtual.

Gerensia di SDKK ta konta ku bon komportashon di nos bishitantenan. Pa mas informashon por yama nos departamentu di bishita na 4348428.