𝐏𝐫𝐨𝐦𝐞́ 𝐞𝐧𝐤𝐮𝐞𝐧𝐭𝐫𝐨 𝐝𝐢𝐠𝐢𝐭𝐚𝐥 𝐤𝐮 𝐟𝐮𝐭𝐮𝐫𝐨 𝐩𝐫𝐨𝐦𝐞́ 𝐦𝐢𝐧𝐢𝐬𝐭𝐞𝐫 𝐝𝐢 𝐇𝐮𝐥𝐚𝐧𝐝𝐚, 𝐬𝐫. 𝐑𝐨𝐛 𝐉𝐞𝐭𝐭𝐞𝐧

Djarason 11 di febrüari 2026 a tuma lugá e promé enkuentro digital entre futuro promé minister di Hulanda sr.Rob Jetten i e promé ministernan di Aruba, Curaçao i Sint Maarten, huntu ku e Direktor General di Relashonnan di Reino (DGKR). Vicepromé Minister, sr. Shalten Hato, a representá Promé Minister Pisas durante e enkuentro.

Tur e islanan a felisitá e futuro promé minister di Hulanda i a ekspresá nan konfiansa den un kolaborashon konstruktivo den kuadro di Reino.

Na banda di Kòrsou tambe tabata presente: Kabinetchef sra. M. Vásquez, Sekretario di Konseho di Minister sra. C. Balentien, Sekretario General di Ministerio di Asuntunan General sr. D. Comenentia i Kabinetmedewerker di Relashonnan Eksterior sra. V. van Dijsseldonk.