𝐓𝐡𝐞 𝐑𝐨𝐚𝐝 𝐭𝐨 𝐇𝐚𝐥𝐥 𝐨𝐟 𝐅𝐚𝐦𝐞 – 𝐔𝐧 𝐡𝐢𝐬𝐭𝐨𝐫𝐢𝐚 𝐝𝐢 𝐩𝐞𝐫𝐬𝐞𝐯𝐞𝐫𝐚𝐧𝐬𝐢𝐚 𝐢 𝐨𝐫𝐠𝐮𝐲𝐨 𝐧𝐚𝐬𝐡𝐨𝐧𝐚𝐥

Riba 20 di yanüari 2026 a wòrdu anunsiá ofisialmente ku Andruw Jones a alkansá e honor di mas haltu den e mundo di beisbòl profeshonal: Andruw Jones a bira miembro di e MLB Hall of Fame. Un momento históriko, no solamente pa su karera, pero pa henter Kòrsou.

Djarason 11 di febrüari 2026, Promé Minister Gilmar Pisas tabata presente na e rueda di prensa kaminda Andruw Jones mes a kompartí su historia: “The Road to Hall of Fame.”

Promé Minister Pisas ta ekspresá su profundo orguyo pa e logro eksepshonal aki. E ta un prueba ku trabou duru, dedikashon i fe den bo mes, ‘The Kid from Curaçao’ por bira un leyenda mundial.

E éxito di Andruw Jones ta inspirá nos hóbennan i ta mustra ku nos isla chikí tin talento grandi ku por bria riba e podio di mas haltu di deporte mundial.