UPDATE #1: Marcha Di Grandinan

Kuerpo Polisial Hulanda Karibense a tene kòntròl riba vehíkulo i shofùr ku ta partisipá den Marcha Di Grandinan, kual a start pa 6.18 or di atardi.

Durante kòntròl, a kontrolá vehíkulo i shofùrnan riba reibeweis bálido i tambe dokumento di seguro. Tambe a hasi un tèst di supla ku tur shofùr i tur a pasa esaki ku éksito.

Polis ta vigilá estriktamente riba e kumplimentu di e reglanan di tráfiko pa garantisá e seguridat di tur partisipante i bishitante durante e aktividatnan di Karnaval.