Marcha di grandinan a terminá pa 7.15 or di anochi kual a transkurí di manera seif i ordená sin ningun insidente.

Marcha di Tiner a start 8.20 or di anochi. Kuerpo Polisial Hulanda Karibense a tene kòntròl riba vehíkulo i e shofùrnan ku ta partisipá den e Marcha di Tiner.

Durante kòntròl, a kontrolá tur shofùr riba reibeweis bálido i tambe dokumento di seguro. A topa ku un gòlfkar ku no por a mustra dokumentonan ku ta rekerí, pa kua no por a drenta marcha. Tambe a hasi un tèst di supla ku tur shofùr i tur a pasa esaki ku éksito.

Polis ta vigilá estriktamente riba kumplimentu di e reglanan di tráfiko pa garantisá seguridat di tur partisipante i bishitante durante e aktividatnan di Karnaval.