96% kumplimentu ekonómiko durante paradanan wikènt di karnaval

Kontrol di lokalidatnan di Horeca,  Standplaats i Vent

Inspekshon Ekonómiko a realisá kontrol, riba djabièrnè 13, djasabra 14 i djadumingu 15 di febrüari 2026, durante e diferente paradanan.

A realisá un total di 158 kontrol:

• 61 kontrol riba djabièrnè 13 di febrüari durante parada di Teener.
• 34 kontrol riba djasabra 14 di febrüari na Banda Bou.
• 63 kontrol riba djadumingu 15 di febrüari durante Gran Marcha.

A realisá kontrol di 79 Standplaats, 37 Vent i 42 horeca.

For di esakinan a duna 6 amonestashon di kua 3 pa indikashon di preis, 2 pa motibu ku e pèrmit no tabata aloká den e lokalidat i 1 pa bende serbes den bòter.