KASO DI ASESINATO NA FUNDASHON KRUSADA TIN BONEIRU DEN SHOK

HOMBER DI 27 AÑA ENKONTRA MORTO DEN SU KAMBER.

SOSPECHOSO TAMBE TA KLIENTE DI KRUSADA.

SEGURIDAT NA E INSTITUTO TABATA LAGA HOPI DI DESEA.

Djaluna mainta 16 di februari 2026 Boneiru ta lanta i tende di un kaso poko straño ku a tuma lugar na Fundashon Krusada riba kaminda di lagun.

Un kliente ta bai buska drechi di un otro kliente ku a tarda pa lanta mainta i ta bin deskubri ku esaki no ta reakshona den su kamber i ku basta sanger rondo di dje.

Mesora e ta bati alarma i ta jama ambulance pa bin Krusada ku urgensia.

Na jegada di e ambulance ja e personal no por hasi nada mas pa e viktima ku a bin fayese a konsekuensha di e heridanan ku ela sufri.

Tin indikashon ku ta ku un kuchu a pone fin na bida di e homber S.Abrahamsz miho konosi komo Bounty nase 18 di Maart 1998 di 27 aña di edat.

Bounty tabata un adikto na droga i pesey tabata interna den Krusada.

E sospechoso ku lo a komete e akto aki tambe tabata keda na Krusada i tambe lo ta un adikto na droga.

For di despues di lokual a sosode marduga na Krusada e sospechoso di fam W a bandona e sitio na pretu bisti i ku un rugtas i te ku awor no a regresa bek.

Outoridatnan a kondusi un investigashon profundo na e sitio kaminda e insidente a sosode.

Ministerio publiko a laga konfiska e kurpa di e viktima pa realisa e outopsia di lei pa asina determina eksaktamente kousa di e morto di e homber Bounty.

Tambe diferente imahen di camera ta judando outoridatnan bastante den e investigashon.

Mesun atardi di ayera team di aresto a bai na kas di mama di e sospechoso di fam W pero no a topa ku e sospechoso aki nan.

Investigashon den e kaso ta kontinua.

Seguridat na e instituto di krusada ta laga hopi di desea.

Sospechoso tabata drenta sali ora ku e kier.

No tabata tin niun klase di kontrol.

Por bisa ku tin dos famia den tristesa pa loke a sosode.

Boneiru ta konose su prome kaso di asesinato pa 2026.

Outoridatnan ta hasi un apelashon na e sospechoso di fam W pa entrega su mes na polis.

Forsa na famia di e defuntu.

E TA SOSPECHOSO DI E ASESINATO NA KRUSADA.

POLIS TA KONFIRMA ESAKI.

Djaluna 16 di febrüari, alrededor di 6 or di atardi, a tene un entrada hudisial na un kas situá na Kaya Beni en konekshon ku e kaso ku a tuma lugá na un institushon na Kaminda Lagun.

En konekshon ku e mesun kaso aki, a detené un sospechoso alrededor di 4 or di mardugá di awe djamars 17 di febrüari na warda di polis. Ta trata di un hòmber di inisial H.F.W. di 30 aña di edat. Investigashon den e kaso ta kontinuá.

Polis ta pidi tur persona ku tin informashon relevante pa e investigashon, pa mèldu esaki via di e liña di tep anonimo 9310.