KUERPO POLISIAL KORSOU

KOMUNIKADO DI PRENSA                                 

059/2026

26 februari 2026 

Detenshon relashona ku menasa 

Djarason 25 di februari 2026 alrededor di 14.41’or, Sentral di Polis a dirigi un unidat polisial di warda di polis Otrobanda pa Piscaderabaai, pa un kaso di menasa.

Na yegada die unidat un personal di Wardakosta a splika polis ku un ratu prome un homber a menas’e durante ku e tabata eherse su trabou.

E personal di Wardakosta mes a hasi detenshon di e homber F.S.S. di 66 ana di edat nase na Korsou, relashona ku e menasa enkestion i a entreg’e na polis.

A presenta e sospechoso dilanti di un fiskal ouksiliar ku a ordena su enkarselamentu pendiente di mas investigashon.