KUERPO POLISIAL KORSOU

KOMUNIKADO DI PRENSA                                   

061/2026

1 mart2026

Detenshon relashona ku violensia relashonal

 

 

Djadumingu 1 di mart 2026 alrededor di 01.00’or, Sentral di Polis a dirigi un unidat polisial pa un adres na Barbouquet pa un kaso di violensia relashonal.

Na yegada di e unidat, el a topa un homber ku tabata grita i ku tabata bou di influensia alkoholiko.

E dama pareha di e homber a deklara na polis ku un ratu prome su partner a maltrat’e na altura di su kabes.

E viktima tabatin un bulto na su kabes, a konsekuensia di e maltrato ku el a sufri.

Polis mesora na e sitio mes, a hasi detenshon di e homber F.C.D. di 48 ana di

edat nase na Korsou, enkonekshon ku violensia den esfera relashonal.

A presenta e sospechoso dilanti di un fiskal ouksiliar ku a ordena su enkarselamentu pendiente di mas investigashon.