KOMUNIKADO DI PRENSA 121/2023.
20 mart 2023.

Kaso di tiramentu ku herido.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 19 di mart 2023 alrededor di 22.44’or di anochi, Sentral di Polis a risibí
informashon di un kaso di tiramentu ku a tuma lugá na Berg Altena.
Un unidat polisial a keda dirigí na e sítio i na su yegada no a bin enkontrá e víktima ni e
sospechoso na e sitio.
For di un investigashon preliminar a sali na kla ku un ratu prome un hòmber lo mester a
basha bala riba e vehíkulo ku tabata pasando na e sitio.
Durante di e tiroteo un hòmber ku tabata para den e área a sufri leshon na parti abou di su
kurpa okashoná pa bala prosedente di arma di kandela.
E víktima a keda transportá den un vehíkulo privá den un situashon di prekupashon pa Sala
di Emergensia di CMC.
Kousa di e tiramentu te ainda no ta konosí i personal di departamento di reshèrshi ta
kontinuá ku e investigashon.