Reina seú 2026.
Willemstad, 28 febrüari 2026
Djasabra dia 28 di febrüari 2026, a tuma lugá instalashon ofisial di partisipantenan pa elekshon kultural 2026, den kua lo elegí Reina Seú Kòrsou 2026 i Rei Kosecha Kòrsou 2026.
Riba e mèrdia akí tambe e partisipantenan a skohe nan number pa e elekshon ariba menshoná. Tambe riba e dia aki e partisipantenan a haña un tayer di kon pa komuniká den públiko, duná dor di sra Annelies Hooi. Esaki ta forma parti di e preparashonnan pa e elekshon.
Kada partisipante pa reina ta representá un flor i e reinan ta representá un palu fuerte di Kòrsou. Den e siman ku ta sigui e partisipantenan lo haña tambe tayernan di herensia kultural, bailenan kultural i uso di idioma papiamentu.
Elekshon kultural lo tuma lugá dia 14 di mart 2026 i lo tuma lugá na Kunuku di Shon Mi.
Numberashon ofisial Reina Seú 2026
- #1 Murmilene Maria : flor di bruska, representando grupo É tronkon di pal’i bida
- #2 Rayzanha Martha : flor di maishi grandi shimaron, representando grupo Wapambiente
- #3 Sharithee Hironimus : flor di kalbas, representando E diferensia di kunuku
- #4 Jeanouska Maduro : flor di breinòli, representando grupo E Rais di Sablika.
- #5 Angelique Granville : flor di beyisima, representando grupo OriWapa
- #6 Ismilainy Legito : flor di kayena dòbel, representando grupo Sembra Alegria
Numberashon ofisial Rei Kosecha 2026:
- #1 Vilangelo Supriana : palu di brasia, representando grupo Wapambiente
- #2 Shurendel Doran : palu di kibrahacha, representando grupo É tronkon di pal’i bida
- #3 Jasoney Ricardo : palu di besua, representando grupo E rais di sablika
- #4 Ruwandy Regales : palu di sòrsaka, representando grupo Zewelo zeula
Un biaha mas danki na Ultimate Automobiles, ku nan marka Chery, pa e konfiansa i disponibilidat pa hasi uso un biaha mas di nan.
