Thalina Gil ta logra tòp 10 na Nicaragua
Thalina Gil ta logra tòp 10 na Nicaragua
Willemstad- djadumingu último, Thalina Gil a representá Kòrsou riba esenario di Teen Universe International 2026 na Managua Nicaragua. E sertamen di adolecente mas grandi i popular ku a selebrá nan 15 aña organisando i realisando soño di hopi hóben di diferente parti di mundu.
For di yegada Thalina a sa di hasi un impakto grandi halando atenshon di e organisashon pero tambe missiologonan ku a komentá riba diferente plataforma.
Durante e siman tabatin diferente aktividat i tournan turistiko pa e partispantenan, famianan i tambe direktornan.
Djasabra 28 febrüari a tuma luga e Nicaragua Fashion Show kaminda Thalina Gil a keda skohe pa varios diseñador di Nicaragua pa a desfilá pa nan.
E gran final a tuma lugá djadumingu 1 mart 2026 na e theatro Ruben Dario i a keda transmití via e plataforma di YOUTUBE.
E show a konta ku un total di 58 pais ku a partisipá den tres kategoria. Thalina Gil a representá nos den e kategoria Teen ku total 23 partisipante. Tabatin un baile di opening, despues pasarela den trahe di baño i despues desfile den traje di gala.
A redusí e grupo na un tòp 15 kaminda nos Thalina a keda yama komo e promé ku a klasifiká.
Seguidamente a redusí na un tòp 10 kaminda tambe nos representante a klasifiká i mester a hiba un mensage. Thalina Gil a konta di si eksperensia den e mundu di beyesa.
Na final a skohe un tòp 6 i e ganador di e sertamen a resultá Teen Colombia, Laura Rojas.
QMQ Organization ta sumamente orguyoso un biaha mas di por a partisipá na un sertamen asina grandi Internashonal i ku bon resultado. Nos ta felistá Thalina Gil ku su logro den tòpa 10 i nos ta desea tur klase di eksito den su futuro.


