Jurickson Profar ta tèst positivo pa PED i suspende pa 162 wega

Despues di e suspenshon di MLB di e outfielder/hitter designá di Braves Jurickson Profar pa 162 wega pa un di dos tèst positivo di PED bira ofisial, Braves a publiká un deklarashon riba e asuntu djamars anochi.

“Nos tabata inkreiblemente desepshoná di haña sa ku Jurickson Profar a tèst positivo pa un supstansia ku ta mehorá rendimentu i ku ta den violashon di e Programa di Prevenshon i Tratamentu di Droga di MLB.

Nos hungadónan ta wòrdu debidamente eduká konsistentemente tokante e Programa i e konsekuensianan ku si nan wòrdu hañá di ta den violashon.

E Atlanta Braves ta sostené e Programa kompletamente.”

MLB a identifiká e remedi aki ku ta mehorá rendimentu i ku Profar a tèst positivo p’e komo testosterona eksógeno òf, simplemente, testosterona produsí pafó di e kurpa.

E ta sigui e suspenshon di 80 wega di Profar aña pasá ku a tèst positivo pa gonadotropina korióniko humano. Despues di e tèst frakasá ei, e deklarashon di Braves di mart 2025 a bisa ku “Nos a keda sorprendí i sumamente desepshoná” pa haña sa di e tèst frakasá di Profar.

Profar, procedente di Curacao, tampoco lo bin na remarke pa hunga pa e seleccion di Hulanda den e World Baseball Classic. E ta pèrdè su salario di $15 mion pa 2026, ounke e ta keda debe e $15 mion pa 2027, e último aña di su kontrato di tres aña, $42 mion ku Braves.

Di akuerdo ku e Athletic, e Asosiashon di Hungadónan di MLB ta bai dilanti ku un apelashon na nòmber di Profar. Den kaso ku e apelashon frakasá, Profar lo ta e di shete hungadó di MLB pa wòrdu suspendé pa 162 wega pa un di dos ofensa.