Ministerio di Desaroyo Ekonómiko Curaçao Business Cruise Trade Mission 2026 – E último destinashon bishitá Saint Lucia 

Saint Lucia

Promé ku e delegashon regresá Kòrsou, e mishon a konkluí su trayekto regional ku un bishita na Saint Lucia, e último parada di e Curaçao Business Cruise Trade Mission 2026.

Durante e mishon, empresanan i institushonnan di Kòrsou a topa ku diferente partner den Karibe pa eksplorá oportunidatnan nobo pa komèrsio, invershon i kolaborashon. Kada destinashon a fortalesé konekshonnan regional i reforsá e posishon di Kòrsou komo un partner di negoshi aktivo i konfiabel den region.

E mishon aki a mustra un biaha mas e forsa di kooperashon regional i e importansia di sigui konstruí asosiashonnan ekonómiko sostenibel den Karibe.